Gríma

Skáldsagan Gríma mun hafa verið skrifuð árið 1930 en kom fyrst út í bók ásamt sögunni Rósa í síldinni undir nafninu Tvær sögur árið 1945 að því er við best vitum. Þá birtist hún í tímaritinu Lögréttu í Vesturheimi árið 1935. Er þetta örlagasaga þar sem segir frá Grímsa, átján ára dreng úr sveit sem ræður sig á sjó í verbúð. Þar kynnist hann Grímu, ungri stúlku sem er ráðskona (fanggæsla) þar í verbúðinni. Í sögunni kynnumst við verbúðarlífi eins og það var í byrjun 20. aldar en Theódór þekkti það vel af eigin raun. Þar var dauðinn sífellt nálægur og lífsbaráttan hörð. Þá dregur Theódór í sögunni upp myndir af ótrúlegum persónum sem hann án efa byggir á raunverulegu fólki. Hér er á ferðinni stórskemmtileg saga eftir hreint ótrúlegan rithöfund sem ekki má falla í gleymsku. Ingólfur B. Kristjánsson les.