Á líðandi stund

Sigmund Freud er líklega einn áhrifamesti vísindamaður 20. aldarinnar, ekki aðeins innan sálfræðinnar þaðan sem kenningar hans eru upprunnar, heldur fleiri fræðigreinum. Í ritgerðinni Á líðandi stund, sem er rituð á meðan á fyrri heimstyrjöldinni stóð, flytur Freud hugleiðingar sínar um stríð, líf og dauða. Þessar hugleiðingar höfðu gríðarlegt gildi á þeim tíma sem þær voru ritaðar, og vöktu mikla athygli. Sigurjón Björnsson, sem lengi var prófessor í sálfræði við Háskóla Íslands þýddi ritgerðina, en hann þekkir kenningar Freuds betur en nokkur annar Íslendingur og hefur þýtt fjölda ritgerða hans yfir á íslensku. Hallgrímur Indriðason les.