Sendisveinninn er einmana

Sendisveinninn er einmana var önnur ljóðabók Einars og kom í kjölfar bókarinnar Er nokkur í kórónafötum hér inni? sem vakti mikla athygli og bar með sér nýja nálgun og nýjan tón í íslenskum skáldskap. En það sem er merkilegt er að þessi bók gerði það líka án þess þó að vera eitthvert rökrétt framhald af fyrri bókinni því það er hún hreint ekki. Uppbygging ljóðanna og myndmálið er á margan hátt ólíkt og ljóðin endurspegla heiminn á víðfeðmari hátt en í fyrri bókinni þar sem áhersla hvers ljóðs miðaðist oft við eina afmarkaða hugmynd og eina ákveðna mynd sem kallaði hana fram. Ingólfur B. Kristjánsson les.