Heiðarbýlið II: Grenjaskyttan

Sagan Grenjaskyttan eftir Jón Trausta (Guðmund Magnússon) er hluti af ritröðinni Halla og heiðarbýlið, sem naut gríðarlegra vinsælda á sínum tíma. Fyrsta bókin í ritröðinni hét bara Halla (útg. 1906), en svo komu fjórar sögur undir yfirheitinu Heiðarbýlið í kjölfarið. Er Grenjaskyttan önnur sagan undir því yfirheiti, en þriðja sagan í allri ritröðinni. Sagan á undan hét Barnið (útg. 1908). Segja má að sagan sé sjálfstætt framhald og hægt er að lesa hana án þess að hafa lesið sögurnar á undan er skemmtilegra að lesa þær í réttri röð. Grenjaskyttan kom út árið 1909 og hefur allt sem prýða má góða sögu, átök, rómantík, litríkar persónur og hreint út sagt stórkostlegar náttúrulýsingar, en að öðrum ólöstuðum, þá hafa fáir íslenskir höfundar skilað náttúrunni betur til lesandans en Jón Trausti. Ingólfur Kristjánsson les.