Enginn ræður för: reisubók úr neðra

Enginn ræður för: reisubók úr neðra er bráðskemmtileg og heillandi frásögn Runólfs Ágústssonar af ferðalagi hans yfir endilanga Ástralíu. Eftir að ötult starf hans sem rektor á Bifröst og við uppbyggingu nýs háskólasamfélags við Keflavík hafði tekið sinn toll, hélt hann út í eyðimörkina til að endurheimta líkamlega heilsu og andlegt jafnvægi. Hér segir meðal annars frá viðkynningu höfundar við kengúrur, kóalabirni og frumbyggja Ástralíu, hann finnur gröf Jörundar hundadagakonungs og hittir fólk sem flutti frá Íslandi fyrir áratugum síðan. Kristján Róbert Kristjánsson les.