Theodóra

Leopold Ritter von Sacher-Masoch (1836–1895) var austurrískur rithöfundur og blaðamaður sem varð kunnur fyrir smásögur sínar, sem þóttu oft á tíðum djarfar og sýna lífið í nokkuð óvenjulegu ljósi. Þá var hann óhræddur við að fjalla um hluti sem aðrir veigruðu sér við á þeim tíma, eins og kynlíf. Hugtakið masókismi er t.a.m. myndað af nafni hans, Masoch. Á sínum tíma var Masoch vel þekktur í heimi menntamanna fyrir sterkar, frumlegar og oftast vel rökstuddar skoðanir. Kunnasta saga Masochs er sagan Venus í feldi eða Venus in furs. Söguna Theódóru er að finna í smásagnasafni sem hann gaf út við upphaf ferils síns og þar koma séreinkenni hans strax í ljós. Sagan birtist í tímaritinu Fjallkonunni sem Valdimar Ásmundsson gaf út skömmu fyrir aldamótin 1900. Er enginn þýðandi tilgreindur. Ingólfur Kristjánsson les.