Næturhraðlestin

Næturhraðlestin er skemmtileg smásaga sem segir frá Anton Börner, forstöðumanni verslunarhússins A. Börner og sonur. Þegar við kynnumst honum er hann staddur einn í hraðlest með mikið af peningum og er með einhverja ónotatilfinningu í maganum. Eitt af því sem liggur þungt á honum er vitneskjan um að bíræfinn ræningi hefur stundað það undanfarið að ræna einstaklinga í lestum eins og þeirri sem Anton er staddur í. Þegar hann er mitt í þessum hugleiðingum stígur ókunnur maður inn í klefann hans. Nú er að heyra hvað gerist. Sagan birtist í bók árið 1907 sem gefin var út af Prentsmiðju Ísafoldar og Hafnarfjarðar. Er höfundar ekki getið. Ingólfur B. Kristjánsson les.