Fljótsdæla saga

Fljótsdæla saga er ein af Íslendingasögunum. Sagan mun vera ein af yngstu Íslendingasögunum, talin rituð um 1500. Sögusviðið er einkum Fljótsdalur á Austurlandi, en hún teygir sig einnig til Hjaltlands. Kemur hún í framhaldi af Hrafnkels sögu Freysgoða og tengist líka Droplaugarsona sögu, enda um sömu meginpersónur að ræða að hluta, þá Helga og Grím Droplaugarsyni. Í byrjun sögunnar er skemmtilegur kafli um það hvernig Droplaug, dóttir Björgólfs jarls á Hjaltlandi, kemur til Íslands. Ingólfur B. Kristjánsson les.